«Глядзі мне ў вочы…»

1 (1)У жыцці кожнага народа есць чорныя даты. Трагедыі, якія прымусілі скалыхнуцца сэрца, тым ці іншым чынам тычацца ўсіх. Знянацку атрыманая рана загаіваецца не адразу і доўга нагадвае пра сябе ныючым напружаным болем. Нятрэба шмат тлумачыць, чым адгукаюцца ў беларускім сэрцы словы Мінулая Вайна, Чэрнобыль, Няміга… Іншы раз узнікае такое адчуванне, што беларусы для ўсяго астатняга свету толькі тым і адметныя, што ім болей за іншых баліць. Можа таму і адбываюцца ў жыцці палохаючыя супадзеньні, праз якія зьвяртаеш увагу і на чужы боль. З`яўляюцца падставы паспачуваць, зразумець…

Супадзеньне, якое наўрадці пакіне беларуса абыякавым: 26 красавіка (!) селета ў нямецкім мястэчку Эрфурт было забіта каля дваццаці чалавек. Знянацку і бессэнсоўна, як гінулі на Нямізе…

Дзевятнаццацігадовы Роберт Штайнхойзер, якога раней адлічылі з гімназіі імя Гутэнберга ў Эрфурце, тым не менш прыйшоў з іншымі вучнямі на экзамен па матэматыцы. Пад час экзамену ен нечакана ўскочыў з месца і, абвясьціўшы, што ўсе, што адбываецца, не мае сэнсу, пачаў страляць з пісталета. Потым ен пабег па карыдоры, залятаў у класы і забіваў, забіваў усіх, хто трапляўся яму на вочы. Загінула дванаццаць выкладчыкаў, дырэктар гімназіі, сакратар гімназіі, паліцэйскі і дзьве вучаніцы. Яшчэ шэсьць ахвяраў злачынства трапілі ў эрфурцкі шпіталь у вельмі крытычным стане.

Нямеччына была шакаваная як ніколі з часоў ІІ сусветнай. Па ўсей краіне быў абвешчаны траур, сцягі з чорнымі істушкамі луналі напаўузнятыя над дзяржаўнымі ўстановамі больш за месяц. На пахаваньні ахвяр у Эрфурце прысутнічалі бундэсканцлер Герхард Шродэр і прэзідэнт Еханэс Раў. Спробы зразумець, чаму так адбылося, і што рабіць, каб не паўтарыўся гэты жах, чаргаваліся ў масс медыя з гіпердакументальнымі падрабязнасьцямі падзеі, якая, па словах Г. Шродэра, «пераўзыйшла ўсе ўяўныя апасеньні».

1 (1)Штайнхойзер быў чальцом клуба стралкоў, меў дазвол на валоданьне зброяй, вялікая колькасьць якой была ў яго знойдзеная пад час следства. Да таго ж ен быў заўзятым аматарам папулярнай камп’ютарнай гульні «Counterstrike», якая, дарэчы, імітуе разнастайныя антытэрарыстычныя аперацыі… Рыштунак і адзеньне юнака ў той дзень цалкам паўтарылі зброю і касцюм персанажа гэтай гульні. Газеты адзначылі, што менавіта ад яе ў галаве «няшчаснага» хлопца «мог скласьціся нейкі ігрывы код, стэрыятып паводзін», і пачалі называць Штайнхойзера «ашалелым вар’ятам з Эрфурта».

Вось, можна па-трэбаваць больш жорсткіх правілау для жадаючых валодаць зброяй, як гэта пачалі рабіць у бундэстаге, альбо, як гэта пэўна зрабілі б у нас, можна наракаць і лаяцца на вялікую колькасць вар’яцкіх камп’ютерных гульняў. Але ведаеце, што спыніла гэтую крывавую гульню пакрыўджанага бэйбуса, прымусіла «вар’ята» вярнуцца да розуму?!? Для мяне асабіста гэта самае ашаламляльнае з усей мутнай плыні ўражваючых акалічнасьцей, якія напрактыкавана хутка і са смакам сталі распавядаць СМІ. Вар’ята спынілі не паліцэйскія і не фармаванні спецпрызначэння! Сутыкнуўшыся са Штайнхойзерам у карыдоры, калі ўжо шалена чулі шматлікія стрэлы, настаўнік гісторыі Райнер Хайзе патрабаваў ад падлетка, каб той глядзеў яму ў вочы, калі буде рабіць наступны стрэл. У адказ хлопец адвеў рулю пісталета і прамовіў: «На сеньня хопіць…» Пасля гэтага настаўнік зацягнуў былога вучня ў класны пакой і зачыніў дзверы. Калі з`явілася паліцыя, забойца стрэліў у самога сябе… Просты чалавечы позірк няспужаных вачэй аказаўся найдзейснай антытэрарыстычнай зброяй.

 Дзмітрый Шыла,
студэнт факультэта тэалогіі
Еўрапейскага Гуманітарнага універсітэта

Просмотрено: 0 раз.

Рекомендуем

В Минской духовной семинарии состоялась презентация сборника публикаций известного белорусского деятеля В. В. Богдановича (1878–1939)

В ходе мероприятия перед слушателями выступил составитель сборника, доцент кафедры истории Беларуси, археологии и специальных исторических дисциплин ГрГУ А.С. Горный.

В издательстве Минской духовной семинарии вышел сборник материалов XVII Семинара студентов ВУЗов Беларуси

В состав сборника включены 85 докладов участников форума, выступавших в рамках пленарного заседания, шести тематических секций, а также представивших свои сообщения в секции заочного участия.