Па благаславенні Яго Высокапраасвяшчэнства Філарэта, Мітрапаліта Мінскага і Слуцкага, Патрыяршага Экзарха ўсея Беларусі з нагоды 110-годдзя заснавання Гродзенскай епархіі быў выдадзены зборнік пропаведзей Праасвяшчэннага Арцемія, Епіскапа Гродзенскага і Ваўкавыскага. Пропаведзі ў асноўным прысвечаны розгляду евангельскіх падзей, а таксама галоўным Царкоўным святам пасляпасхальнага перыяду і дванаццаці вялікім святам. Словы Уладыкі, нібы жывыя, хутка ўваходзяць у сэрца, натхняюць чалавека задумацца над сэнсам свайго жыцця, ставяць яго над усёй мітуснёй свету і дапамагаюць знайсці сябе і Госпада ўнутры сябе. Спадзяемся, што чытачы абавязкова вынесуць многа карыснага для сябе з пропаведзей Уладыкі Арцемія і накіруюць сваё жыццё у славу Хрыстову.